Gununsesi.info xarici mətbuata istinadən xəbər verir ki, Meksikada zəlzələ nəticəsində ölənlərin sayı 361 nəfərə çatıb.
Təbii fəlakət nəticəsində ölənlərin sayının bundan sonra da artacağı gözlənilir. Paytaxt Mexikoda 7 mərtəbəli biznes mərkəzin dağıntıları altında qalanların axtarışı davam etdirilir. Azı 8 nəfər itkin düşmüş hesab edilir.
Bundan əvvəl zəlzələ nəticəsində 345 nəfərin öldüyü bildirilirdi. Paytaxt Mexikoda 39 yaşayış evi dağılıb, yüzlərlə ev qəzalı vəziyyətə düşüb.
Xatırladaq ki, sentyabrın 19-da Meksikada 7,1 bal gücündə zəlzələbaş verib. Yeraltı təkanların episentri ölkənin cənubunda yerləşib. Təbii fəlakət nəticəsində 4 milyon insan elektrik enerjisiz qalıb, ölkədə yüzlərlə yaşayış evi qismən və yaxud tamamilə dağılıb.
Gununsesi.info
