II Bakı Ticarət Festivalında (“Baku Shopping Festival”) ƏDV köşklərinin sayı artırılıb.
Gununsesi.info xəbər verir ki, bunu vergilər nazirinin müavini Sahib Ələkbərov deyib. O bildirib ki, I Bakı Ticarət Festivalında ƏDV köşklərinin sayı 6 idi, bu dəfə isə 7 olacaq: “Budəfəki festivalda köşklərdən birinin yeri dəyişdirilib. Belə ki, “Nərgiz” Ticarət Mərkəzindəki yer probleminə görə köşk “Xaqani” Ticarət Mərkəzinə keçirilib. Qeydiyyat prosesi normal gedir. Ötən dəfə heç bir problem yox idi. Yalnız ərəb ölkələrindən gələn əcnəbilərin adlarının yadda qalmaması ƏDV-nin qaytarılmasında çətinlik yaradırdı. Budəfəki proqramda müvafiq dəyişikliklər edilib”.
Gununsesi.info
