“Qələm” Nəşriyyatının istehsalı olan “Məktəbə Hazırlıq – 365 GÜN” adlı məktəbəqədr təhsil müəssisələri üçün nəzərdə tutlan dərslikər mütəxəsislərin qınaq obyektinə tuş gəlib.
Gunusesi.info-nun xəbərinə görə, kitabda azyaşlılara dinin gizli təbliği həyata keçirilir. Belə ki, mütəxəsislər kitabda əlifbanin “N” hərfinin təqdimatında namaz və namaz haqda əyani bilginin verilməsini məqsədli təbliğat hesab edirlər.
Azərbaycan Təhsil Şurasının sədri Əjdər Ağayev hesab edir ki, məktəbəqədər təhsil müəssislərində əlifbanı öyrədən dərsliklərin tədrisi qadağan olunmalıdır. Onun sözlərinə görə, məktəbə hazırlıq və uşaq baxçalarında hazırlıq üçün dərsliklər, ümumiyyətlə, lazım deyil: “Uşaq baxçasında, hətta məktəbə hazırlığın özündə belə, məktəin vəzifəsi hərf və ya riyazi əməliyyat öyrətmək üçün deyil, uşaq fikir və məntiqi düşüncəsini formalaşadırmaq və artırmaqdan ötrüdür. 5 yaşlı uşaq niyə namaz haqqında oxumalıdır ki? Bu günələrdə məktəbəqədər təhsil işçiləriylə bağlı böyük bir forum keçirdik”-, deyə o bildirib.
Ə Ağayev qeyd edib ki, forumda iştirak edənlər bütün bu məsələləri müzakirəyə çıxardıblar ki, əslində, məktəbə hazırlıq nələri verməlidir: “Əgər məktəbəqədər hazırlıq prosesində hərf öyrədilirsə, bu, uşaqda 1-ci sinfə marağı öldürür. Sözügedən kitablarla tanış deyiləm. Amma fikir bildirmək stəyirəm ki, bu cür dərsliklərin olması haqqında əlaqədar nazirliyə məlumat verməlidirlər. Yəni hərf öyrətmk meyli uşaq baxçası üçün yararlı deyil. Hətta yararlı olan siniflər üçün belə, əgər “N” hərfi öyrədilirsə, o zaman bu hərfin ənənədən, adətdən və dini dəyərlərdən başlanması heç doğru deyil. Bu uşağın bildiyi və gördüyü obyekt haqqında olan şəkil və informasiya verilməlidir, namaz prosesi yox. Məsələn, nar, nanə, nərdivan və s. Hətta bu həf haqqnda bilgi “nalla” başlaya bilməz. Çünki müasir uşaqlarımız nal nədir, bunu blmirlər. Baxçada olan uşaq namazın nə oduğun nə dərk edir ki… Hesab edirəm ki, kitabın müəllifi görünür pedaqoji yanaşmanın, pedaqogika elminin tələblərini blmir. Bilmədiyinə görə də, öz düşüncələrinə əsasən, dini təbliğat vasitəsinə çeviriblər. Kitabı hazırlayan müəllif bunu təhsil nazirliyinə təqdim etməli və rəy almalıdır. Dərslik şöbəsi isə öz növbəsində bunu rəyə təqdim etməlidir. Rəylərdən qayıtdıqdan sonra qiymətləndirmə komissiyasına göndərilməlidir. Yalnız bu prosedurlardan keçdikdən sonra dərslik tələblər üzrə meyarları ödəməli və bundan sonra həmin kitab işıq üzü görməlidir. Özü də uşaq baxçası üçün nə dərslik? Uşaq baxçaları üçün nəzərdə tutulan yardımçı ədəbiyyatda yalnız şəkil, oyun təsviri olmalıdır. İlk tədris kitabında uşaqlara maraqlı obyektlər təsvir edilməlidir. Daha dini ayinlərin təsviri yox. Bu adamlar isə naşıdırlar. Uşaq baxçasında nə dərslik? Hazırlıq və ilkin təhsildə bədii təsvir və şəkillər verilir. Ondan sonra keçirlər təhsilə. Bilmirlər, lakin nütəxəsislərə məsləhətləşmirlər də. Hələ üstəlik, bu katablar pulsuz paylanmalı olduğu halda məktəbəqədər təhsil müəssisələrində pulla satılır. Ümumiyyətlə, məktəb və məktəbəqədər təhsil müəssisələrində hazırlıq sisteminin özünün təşkilinin tələbləri var. Əgər hazırlıq sistemini tətbiq edən məktəblər bu tələblərə cavab vermirsə, orada hzırlıqdan söhbət belə gedə bilməz”-, deyə obildirib.
Gülnaz Qənbərli
Gununsesi.info