Gununsesi.info xarici mətbuata istinadən xəbər verir ki, Avstraliyanın Houmbuş körfəzində tərk edilmiş gəmi meşəyə çevrilib. “SS Airfield” adlı gəminin 102 illik tarixi var.
Gəmi Sidneyin qərbindəki körfəzdə yerləşir. 1911-ci ildə İngiltərədə hazırlanmış gəmi bir il sonra Avstraliyada qeydiyyata alınmış, İkinci Dünya müharibəsi zamanı amerikan əsgərlərini daşımışdır. Müharibədən sonra isə “SS Airfield”dən İngiltərə və Avstraliya arasında yükdaşıma gəmisi kimi istifadə olunub.
1972-ci ildən etibarən istifadəyə yararsız hesab olunan gəminin içərisində ağaclar bitməyə başlayıb və tədricən nəhəng meşə əmələ gəlib. Nağılvari görüntüyə malik olan gəminin içərisində ağacın bitməsi nadir hadisələrdən sayılır.
Necə yarandığı bəlli olmayan bu meşə hazırda turistlərin diqqəti cəlb etməkdədir.
Nigar
Gununsesi.info
