Qeyri-sabit hava şəraiti ABŞ-ın Virciniya ştatında 2 nəfərin həyatına son qoyub.
Gununsesi.info xəbər verir ki, fərdi yaşayış evinin üzərinə ağacın düşməsi nəticəsində 6 yaşlı uşaq ölüb, Baltimor dairəsində isə ağacın aşması 77 yaşlı qadının ölümünə səbəb olub.
Virciniyanın qubernatoru ştat ərazisində fövqəladə vəziyyət elan edib. Güclü küləklə müşayiət olunan qar və yağış ABŞ-ın 15 ştatında qeydə alınıb. 1 milyondan çox istehlakçı elektrik enerjisiz qalıb, hava limanlarında minlərlə aviareys ləğv edilib.
Martın 2-də paytaxt Vaşinqtonda güclü külək səbəbindən dövlət idarələri və məktəblər işləməyib.
Gununsesi.info
