Dünən Azərbaycanın bir sıra media orqanlarında Türkiyədə yaşayan məşhur azərbaycanlı Mübariz Mənsimova məxsus Palmali şirkətlər qrupununun tamamilə müflis elan edilməsinə dair xəbərlər yayılıb.
Ancaq bu xəbərə iş adamının özü reaksiya verərək, yazılanları böhtan adlandırıb.
Gununsesi.org Mübariz Mənsimovun açıqlamasını təqdim edir:
“Haqqımızda yazılanları mən oxumaqdan yoruldum, siz bədbəxtlər yazdırmaqdan yorulmadınız… Gülüb, keçirəm. Çox özünüzü gücə salmayın”.
O, bu xəbərləri kimlərinsə yazdırdığını qeyd edərək, onları səviyyəsiz adlandırıb: “Türkiyədən kənarda bəzi dövlət məmurları və təəssüf ki, həmyerlimiz olan iş adamları əlbir olub mənə düşüncələrinə görə zərbə vurmaq istəyirlər. Onlara baxdıqca, yazığım gəlir… Bədbəxtlər, istəyiniz qursağınızda qalacaq.
Mənim sizinlə mübarizə aparmaq üçün hər zaman yetərli gücüm olub, olacaq. Mənim arxamda şirkətimin varlığı, heyətim və məni sevənlərin xeyir-duası var. Onların duaları mənə yetər!
Bizim haqqımızda nələr yazıb-pozmurlar ki. Mən oxumaqdan yoruldum, siz bədbəxtlər yazdırmaqdan yorulmadınız… Gülüb, keçirəm. Çox özünüzü gücə salmayın. Allah sizdən razı olsun ki, bu qədər məndən yazırsız və PR-ımı edirsiz. Ermənilərdən törəmə və ermənipərəst bəzi rus rüşvətxor məmurlarının mənimlə olan dərdini anlayıram. Bəs Azərbaycanda olan bəzilərinin mənimlə dərdi nədir? Səviyyəsizliyiniz sadəcə insanları güldürür. Amma sizə təşəkkür borcum da var. Mən Mübarizəm! Mübarizə aparmağı çox sevirəm!”
Gununsesi.org
