Sabiq Xarici iqtisadi əlaqələr naziri Nicat Quliyev qanunsuz olaraq üzərində silah saxlamaqda ittiham olunaraq həbs olunması ilə bağlı Konstitusiya məhkəməsinə müraciət edib.
Gununsesi.info “Contact.az”-a istinadən xəbər verir ki, N. Quliyev hüquqlarının Azərbaycan Konstitusiyasının 12,24,60,63 və digrə maddələrinə, həmçinin İnsan Hüquqları üzrə Avropa konvensiyasının 5,6,7, 13,14 və digər maddələrinə əsasən kobud surətdə pozlduğunu bəyan edərək, pozulmuş hüquqlarının bərpasını tələb edib. O eyni zamanda Konstitusiya Məhkəməsində onun barəsində çıxarılan qərarların ləğv olunmasını və hüququ qüvvəsinin itməsi barədə qərar çıxarmasını tələb edib.
Qeyd edək ki, N. Quliyev məhkəmənin qərarı olmadan MTN-nin həyata keçirdiyi əməliyyat nəticəsində bağ evində saxlanılıb və axtarış zamanı onun üzərində “silah” çıxıb.
N. Qulyevin vəkili Elton Quliyev bu silahın MTN əməkdaşları tərəfindən onun üzərinə qoyulduğunu sübut edib.
N. Quliyevin üzərində tapılan bu silahın MTN-nın həyata keçirdiyi əməliyyat zamanı vicdan məhbusu, Gununsesi.info informasiya portalının rəhbəri Pərviz Həşimli saxlanılan zaman üstündən “tapılıb”.
Gununsesi.info
