“Access Bank” ölünü məhkəməyə verir -ŞİKAYƏT

  • By admin
  • 31 May 2016 17:52

 accesaksizmektub

Cəlilabad rayonu Qarazəncir kəndinin sakini Bayramov Camalxan İsa oğlu Gununsesi.info-ya şikayət məktubu yollayıb. Məktubunda Camalxan Bayramov “ACCESS BANK”-ın vəfat etmiş kürəkənini məhkəməyə verməsindən yazıb. Gununsesi.info həmin müraciəti təqdim edir:

Bildirirəm ki, Azərbaycanda fəaliyyət göstərən “Access Bank” Qeyri-Bank kredit təşkilatı yeznəm Əhmədov Fikrət Zahidxan oğluna nə az, nə çox -32 faizə 7000 manat kredit vermişdir. Onun 5 ayını ödədikdən sonra yeznəm Fikrət qəflətən yol avtoqəzasına düşərək vəfat etmişdir. Vəfat etdikdən sonra yas mərasimində yığılan puldan kreditin 3 ayı da ödənmişdir. İndi bankın  “işgüzar” işçiləri yaxamızdan yapışıb qalan pulu tələb edirlər. Bizə hədə-qorxu gəlirlər, zəng edib təzyiq edirlər, tələb edirlər ki, evimizi satıb o pulu ödəyək. Bu adamlar Azərbaycanda 10 minlərlə insanın evini əlindən alıblar. Xalq bankların əsiri olub, məhv olub gedir. Mənim ailəmi, o cümlədən sələm altında inildəyən Azərbaycan xalqını bank zülmündən qurtarın.

Dəfələrlə Azərbaycan Respublikası Dövlət orqanlarına bu barədə şikayətlər yazmışıq, baxan yoxdur. Bizim dövlət sionist banklarından qorxur. Son ümid yerimiz cənab Putindir. Müraciətimizə yenidən baxılmasa, Putinə müraciət edəcəyəm. Putin Suriya xalqını vəhhabi terrorçularından qurtardı, şiələri xilas etdi, bizi də xilas edər. Azərbaycan xalqı artıq bu zülmlərdən cana bezib. Söydüyünüz Sovet hökumətinin vaxtında banklar xalqa borclu idi, amma indi hər evin banka 2-3 borcu var. Budurmu müstəqillik? Bir tərəfdən saxta qida məhsulları hamını xəstə eləyib, bir tərəfdən yəhudilərin bank sələmi sistemi xalqın canını alıb. Yeznəm kasıb adam idi, ailəsini güclə dolandırırdı, indi isə qızımla 3 körpə uşaqları qalıb problemlər içində. Mən özüm də 1-ci qrup əliləm, qoca kişiyəm, ailə şəraitimiz olduqca ağırdır. Bankın işçiləri gəlib qızımdan hər gün tələb edirlər ki, evinizi satmalı da olsa, bizim pulumuzu verin. Belə ağçılıq olarmı? Ölüdən pul tələb etmək ancaq Azərbaycanda ola bilər, başqa ölkələrdə yox! “Access Bank”ın rəhbəri Azərbaycan xalqından nə istəyir? Azərbaycanda banka borclu olmayan adam, ailə qalmayıb. Əvvəl-axır bu zülmün bir sonu olmalıdir. Bankın işçisi qızımın həyətinə gələrək hədələyir ki, məhkəməyə verib başınıza oyun açdıracağıq. Kimə şikayət edəsən, kimə deyəsən? Bank işçiləri açıq-aşkar deyir, gedin, hara yazırsınız yazın, hökumət bizim işimizə qarışa bilməz. Danışanda adamla qanun adından danışırlar, elə bil Azərbaycana qanunları bunlar qoyub. Biz olmuşuq oğru, bank sələmçiləri olub doğru!”

Şikayətçi yazır ki, hökumətin banklara gücü çatmır. Minlərlə adam bank cinayətlərindən, faizin yüksəkliyindən, evinin əlindən alınmasından şikayət edir, baxan yoxdur. Məhkəmələr də adətən bankın xeyrinə qərar çıxarır. 32 faiz sələm dünyanın hansı ölkəsində var, deyin?! Ruslar gedən kimi yəhudi bankirlər bu xalqı 36-46 faiz sələmə otuzdurdular. İndi də nə qədər yazırıq, dərdimizə çarə qılan yoxdur.

“Access Bank” QSC-nin Cəlilabad filialının ağıllı müdiri Nuraləm Səfərov 16 sentyabr 2014-cü il tarixdə vəfat etmiş yeznəm Əhmədov Zayidxan Fikrət oğluna 20 may 2016-ci ildə məktub yazmışdır. Məktubda mübarək adı olan Nuraləm müəllim Fikrətdən tələb edir ki, banka olan borcunu versin. Nuraləm müəllim mərhuma deyir ki, əgər banka olan borcunu gətirib verməsən, hüquq-mühafizə orqanlarına müraciət edib səni tutduracağam! Mərhumun zaminlərinə göndərilmiş məktublarda isə deyilir: “Hazırda Əhmədov Fikrət Zayidxan oğlu kredit müqaviləsinin şərtlərini pozmuş və kredit ödəməkdən yayınır.

Yeznəm Fikrətin ailəsi çox kasıb ailədir, 3 körpə nəvələrim yetim qaldı, mən indi hardan pul tapım banka verməliyəm? Və niyə verməliyəm? Niyə bu adamlar ölən bir insanla belə məzələnməlidirlər? Məhkəməyə versəm məhkəmə mənim xeyrimə qərar çıxardacaqmı? Məgər bizim dövlət orqanları vətəndaşların bankdan olan şikayətinə baxırlarmı? Dəfələrlə Azərbaycan Dövlətinə şikayət məktubları yazmışam, düz-əməlli cavab yoxdur. Access Bankın Bakıdakı Baş İdarəsindən deyirlər ki, bizə dəxli yoxdur o ölüb, ya ölməyib, pulu verməlisiniz, lap evinizi satın, gətirib pulu verin. Hoffmann kimi bankirlər Azərbaycandan milyonlar qazanır, amma ölümüzə də keçmirlər. Tez-tez pula zamin duran tanışlarımıza zəng edib hədələyirlər, kobud formada pulun ödənməsini tələb edirlər. Bankın Cəlilabad rayon şöbəsinin müdiri deyir ki, sənədləri yığıb gətirin, sizi məhkəməyə verək, orda həll olsun”.

Məsələ ilə bağlı adıçəkilən bankın da mövqeyini işıqlandırmağa hazırıq.

 

Gununsesi.info