Kanadanın Kalqari Universitetinin tədqiqatçıları aşkar ediblər ki, hibrid toxunulmazlıq hazırda koronavirusa qarşı ən yaxşı müdafiədir.
Gununsesi.info xarici mediaya istinadən xəbər verir ki , alimlər öz elmi işlərinin nəticələrini “The Lancet Infectious Diseases” jurnalında dərc ediblər.
Qeyd edilib ki, müəlliflər koronavirus infeksiyası və əlaqəli toxunulmazlıq ilə bağlı kohort, krossover və hal-nəzarət tədqiqatlarının meta-analizini aparıblar.
Nümunə cəmi 26 tədqiqatdan ibarət olub. Onlardan 11-də infeksiyadan sonra toxunulmazlıq, 15-də isə hibrid immunitetin qoruyucu rolu qeyd edilib. Aydınlaşdırılıb ki, hibrid immunitet insanda tam peyvənd olunduqdan və koronavirus infeksiyasına yoluxduqdan sonra yaranır. Alimlərin fikrincə, bu sıralama əmri fundamental əhəmiyyət kəsb etmir.
Mütəxəssislər müəyyən ediblər ki, əvvəlki infeksiya 12 ay ərzində ağır infeksiyaya qarşı 74,6% təsirli qalan immunitetə səbəb olur, eyni zamanda, təkrar infeksiyaya qarşı qorunma 24,7%-ə enib. Eyni zamanda, tədqiqatçılar vurğulayıblar ki, virusa qəsdən yoluxmaq olmaz. Bu bədənə gözlənilməz şəkildə təsir edə bilər.
Tərcümə:
Adil Elxanoğlu
