Avropa İttifaqı (Aİ) NATO-suz ötüşə bilməz, çünki təşkilat dünyanın ən güclü hərbi alyansı hesab olunur.
Gununsesi.info xəbər verir ki, bunu NATO-nun baş katibi Yons Stoltenberq “Rzeczpospolita”ya müsahibəsində deyib.
Onun sözlərinə görə, NATO dünyada ən böyük gücə və canlı qüvvəyə malikdir: “Alyansın gücü Vaşinqton müqaviləsinin 5-ci maddəsinə əsaslanır. Bu da ondan ibarətdir ki, müttəfiq ölkəyə qarşı hərbi müdaxilə NATO-ya üzv olan digər bütün ölkələrə qarşı hücum kimi qiymətləndirilir”.
Aİ-nin müdafiə siyasətindən danışan baş katib deyib ki, hər hansı rəqabətdən qaçaraq NATO-nun gücünə güc qatmaq lazımdır: “Bir çox avropalı liderlər Avropanın özünün müdafiə qüvvəsinin olmasını istəyirlər. Avropa NATO-suz bacara bilər kimi belə ritorikalardan qaçmaq lazımdır. Çünki NATO Avropanın kollektiv müdafiəsinin qarantıdır və Avropa bundan asılıdır”.
Baş katibin sözlərinə görə, Avropa İttifaqına üzv olmayan 3 NATO ölkəsi var ki, Aİ onların dəstəyi olmadan baş edə bilməz.
Gununsesi.info
