Bakının Nəsimi rayonu ərazisində yol qəzası baş verib.
Gununsesi.info-nun məlumatına görə, Rəşid Behbudov küçəsində “BMW” markalı avtomobil “Opel”ə çırpılıb.
İkin məlumata əsasən, Rəşid Behbudov küçəsi ilə hərəkət edən “Opel” Ruhulla Axundov küçəsinə dönərkən “BMW” onu arxadan vurub.
Hadisə nəticəsində xəsarət alan olmasa da, avtomobillərə ciddi ziyan dəyib.
Yol Patrul Xidmətinin əməkdaşları hadisə yerində ilkin araşdırma aparıb.
Eyni zamanda, Gədəbəydə piyadanı avtomobil vurub. Məlumata görə, hadisə rayonun Qoşabulaq kəndində qeydə alınıb.
Heyvanlarını dağa aparan kənd sakini, 1962-ci il təvəllüdlü Mərdan Rəcəbovu avtomobil vurub.
O sağ bud sümüyünün sınığı xəsarəti ilə Şəmkir rayon Mərkəzi xəstəxanaya yerləşdirilib. Vəziyyətinin orta ağır olduğu bildirilir.
Faktla bağlı Gədəbəy rayon Polis Şöbəsində araşdırma aparılır.
Gununsesi.info
