Martın 15-də Bakıda Azərbaycan-Türkiyə-Gürcüstan- İran xarici işlər nazirlərinin ilk toplantısı keçiriləcək. Azərbaycanın üçtərəfli formatda, Azərbaycan-Türkiyə-İran, Azərbaycan-Türkiyə-Gürcüstan formatında əməkdaşlığı mövcuddur. Lakin dördtərəfli formatda görüş ilk dəfədir keçirilir. Azərbaycan xarici işlər naziri Elmar Məmmədyarov da bu formatda əmədkaşlığın regional əmədkaşlıq baxımından daha fərqli bir format olacağını qeyd edib.
Azərbaycan-Türkiyə-İran- Gürcüstan XİN başçılarının martın 15-də reallaşacaq görüşünü şərh edən millət vəkili Asim Mollazadə Gununsesi.info-ya açıqlamasında deyib ki, bu formatda əməkdaşlıq regional əməkdaşlığı daha da gücləndirməyə xidmət edir. “O baxımdan da bu görüşdə iqtisadi, enerji və nəqliyyat sahəsində regional əmədkaşlıq məsələləri, həçminin hər bir ölkəni maraqlandıran digər məsələlər müzakirə olunacaq”- deyə, A.Mollazadə vurğulayıb.
Deputat hesab edir ki, bunun ən mühüm əhəmiyyətli cəhələrindən biri də işğalçı Ermənistanın təcrid siyasətinin dərinləşməsinə xidmət edir. “Ermənistan beynəlxalq hüquq prinsiplərini kobud surətdə pozaraq regionda işğalçılıq siyasəti yürütdüyündən onun təcrid olunması vacibdir və bu istiqamətdə siyasət davam etdirilməlidir. Ümumiyətlə Ermənistan müstəqil dövlət deyil, bölgədə sabitliyi pozmağa xidmət edən bir ölkənin hərbi bazasıdır. O baxımdan da Ermənistanın təcrid olunması siyasəti beynəlxalq hüquq normalarına uyğundur”- deyə, A.Mollazadə bildirib.
Politoloq Qabil Hüseynli Gununsesi.info-ya açıqlamasında bildirib ki, bölgədə iri iqtisadi, enerji, tranzit yükdaşımaları üzrə layihələr həyata keçirilir. “ Logistika sahəsinə aid Bakı-Tiflis-Qars dəmiryolu, “Şimal-Cənub” nəqliyyat dəhlizi, Avropanın Rusiyanın qaz asılılığından azaldan TANAP, Cənub Qaz Dəhlizi və sair layihələr həyata keçirilir. Odur ki, İran bu layihələrdə iştirak etməklə üzləşdiyi sanksiyaları yarıb çıxa bilər”- deyə, politoloq vurğulayıb.
Onun fikrincə, İran TANAP-a qoşula bilər və bu layihəyə qoşulmaq daha ucuz başa gələr. “Çünki hələ SSRİ dönəmindən İranla Azərbaycan arasında qaz kəməri mövcuddur və bu kəmərin bərpasına elə də böyük olmayan maliyyə vəsaiti xərcləməklə Tehran bu kəmərdən faydalana bilər. Digər xüsusi bir məqam isə İran və Azərbaycan Xəzər dənizində mübahisəli hesab edilən ərazilərdə qaz və neft yataqlarını birgə layihələr həyata keçirə bilər. Başqa bir məqam isə “İpək yolu”ndan tam istifadə edə bilməyən İranın bu layihədə tam iştirakına nail ola bilər”- deyə, o vurğulayıb.
Ermənistana gəldikdə isə politoloq hesab edir ki, Azərbaycanın bu formatlarda əməkdaşlığı işğalçı Ermənistana qarşı tətəbiq edilən təcrid siyasətini daha da dərinləşdirməyə xidmət edir.
Mürtəza
Gununsesi.info