Cəlilabadda həyat iflic vəziyyətdədir.Son günlərdə yağan yağıntılar respublikanın müxtəlif bölgələrində cddə fəsadlar yaradıb. Belə ki, çayların məcrasından çıxması nəticəsində yaşayış məntəqələri və əkin sahələrini su basıb. Yağıntılar daha çox fəsadlarını Cəlilabad rayonunda göstərib və xüsusən də yollarda hərəkəti iflic vəziyyətə salıb.
Bu barədə Gununsesi.info-ya Cəlilabda sakinləri məlumat verib. Sakinlər bildiriblər ki, Cəfərli kəndində su bəndinin dağılması nəticəsində rayonun Alar kəndini və buradan keçən Bakı-Astara magistarlını su basıb.
Alar kəndində körpü qəzalı vəziyyətə düşdüyündən Bakı-Astara magistralı bağlanıb. Mağıstralda yolu bərpa etmək üçün müvəqqəti alternativ yol açılıb. Ancaq burada da hərəkət həddən artıq çətindir.
Bunda əlavə olaraq rayon mərkəzindən keçən Mişarçay da məcrasından çıxaması nəticəsində rayon mərkəzi və Petrovka və ətraf kəndlərdə ciddi problemlər yaradıb.
Yağıntılar nəticəsində iki ay öncə istifadəyə verilən Cəlilabad –Cəngan- Qaradağlı yolu da uçub. Cəlilabad-Cəngan- Qaradağlı yolunun Porsava kəndi ərazisində daşla dolu maşın keçərkən yol uçub. Yol tökmə torpaq olduğundan maşın batıb və bu da yolun uçmasına səbə olub. Yol bir müddət bağlansa da, müvəqqəti alternativ yol açmaqla yoldə hərəkət bərpa olunub.
Gununsesi.info
