Gənc şair Səxavət Kəlbəcərli tanınmış müğənni, oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirildiyi üçün həbs olunan Fədayə Laçına şeir həsr edib.
Gununsesi.info həmin şeiri təqdim edir:
Bülbül qəfəsdə də bülbüldü yenə
Heç nə sala bilməz həvəsdən səni.
Sənin varlığında min nəğmə dinir
Tanrı ayırmasın o səsdən səni.
İnan ki, yadıma düşürsən yaman
Ürəyim olubdu naləli kaman.
Həzin mahnıları dinləyən zaman
Sevmişəm tək bircə nəfəsdən səni.
Xəyallarım bir yorğunluq haldadı
Xatirə var, san ki, verir bal dadı.
Səni sevənlərin gözü yoldadı
Dualar çıxarar qəfəsdən səni.
Səxavət Kəlbəcərli
Gununsesi.info
