Bakı Ağır Cinayətlər Məhkəməsində rüşvət verməkdə və qaçaqmalçılıqda təqsirləndirilən Dövlət Gömrük Komitəsinin əməkdaşlarının cinayət işi üzrə məhkəmə prosesi yekunlaşıb.
Gununsesi.info-nun verdiyi xəbərə görə, hakim Əhməd Quliyevin sədrliyi ilə keçirilən prosesdə hökm oxunub.
Məhkəmə kollegiyasının hökmü ilə təqsirləndirilənlərdən Türkmənistan vətəndaşı olan Aman Muhamməd Baylyyevə 1 il sınaq müddəti olmaqla 6 il şərti cəza verilib və o, məhkəmə zalından azadlığa buraxılıb.
Gömrük Komitəsinin əməkdaşlarından Neman Abbasov 9 il, digərləri – Adil Kazımov və Muxtar Qasımov 8 il 6 ay müddətinə azadlıqdan məhrum ediliblər. Hər iki şəxs bu günə kimi zamində olduqları üçün məhkəmə zalında həbs ediliblər.
DGK-nın digər əməkdaşı Aytəkin Tağıyeva və qızıl alveri ilə məşğul olan Ziyafət Qurbanova 6 il şərti cəza verilib.
Gununsesi.info