Gürcüstanda yanacağın qiyməti 4 larini keçəcək və bu artım mayın sonuna qədər davam edəcək.
Gununsesi.info Gürcüstan mediasına istinadən xəbər verir ki, bu barədə iqtisadçı Oto Abesadze proqnoz verib.
Onun sözlərinə görə, əgər yaxın 6 ayda dövlət inflyasiyanı əlində saxlaya bilsə və dolların məzənnəsi 2,5 lari səviyyəsində sabitləşsə, yanacağın qiyməti orta hesabla 1 litr üçün 2 lari olacaq.
Abesadze bunun üçün isə aşağıdakı amillərin həyata keçirilməli olduğunu deyib:
● Avropa İttifaqı üzvlüyünə namizəd ölkə olmaq;
● Bu status çərçivəsində yeni investisiyaların cəlb edilməsi;
● Kiçik hökumət modelinə keçilməsi;
● Büdcənin xərclər hissəsindən 5 milyard lari daha az xərclənilməsi;
● Vergi islahatının aparılması;
● Yanacağın aksiz vergisi ləğv edilməli;
● ƏDV – də üzən rejimə keçilməli və 10% səviyyəsində dayanılmalıdır.
Xatırladaq ki, iqtisadçı Oto Abesadze 12 fevral tarixində yanacağın qiymətinin artacağı və 3.50 tetri – 4 lari arasında olacağı proqnozunu vermişdi.
Gununsesi.info
