Serbiya tərəfindən müharibə cinayətlərinə görə axtarışa verilən Kosovonun sabiq Baş naziri Ramuş Haradinay Fransanın Bazel-Müluz-Frayburq Aeroportunda saxlanılıb.
Gununsesi.info “lefigaro.fr” saytına istinadla xəbər verir ki, sabiq Baş nazir təyyarədən düşərkən sərhəd polisi tərəfindən dindirilib və Müluz Prokurorluğuna təhvil verilib.
2004-cü ildə Serbiya tərəfindən beynəlxalq axtarışa verilən Haradinay 1998-1999-cu illərdə Kosovoda gedən müharibə zamanı üsyançıların lideri olub. 2004-2005-ci illərdə ölkəsinin Baş naziri olmuş Ramuş Haradinay Haaqa Məhkəməsi tərəfindən iki dəfə bəraət alıb.
Gununsesi.info
