Masallıda sel suları ciddi fəsadlar verib.
Gununsesi.info-ya yerli sakinlərin verdiyi məlumata görə, intensiv yağıntılar nəticəsində rauonun ayrı-ayrı yaşayış məntəqələrində subasmalar qeydə alınıb. Belə ki, rayonun Böyük Təklə kəndində tikililər su altında qalıb. Kənddə 50-yə yaxın fərdi ev sel sularının yaratdığı problemlərdən sıradan çıxıb. Sel suları evlərin zirzəmilərinə dolmaqla yanaşı, əkin sahələrinə də ciddi ziyan vurub. Təsərrüfatlar və ev heyvanlarından itki var. Yüzlərlə toyuq-cücə tələf olub.
Qeyd edək ki, bu cür təbii fəlakət Masallıda artıq ikinci ildir ki, analoji problemlər yaradır.
Xatırladaq ki, hazırda respublikanın dağlıq və dağətəyi zonalarında qeyri-sabit hava şəraiti hökm sürür.
Gülnaz Qənbərli
Gununsesi.info
