Masallıda mikroaftobusun aşması nəticəsində yol-qəza hadisəsi baş verib. Hadisə nəticəsində 7 nəfər xəsarət alıb.
Gununsesi.info xəbər verir ki, 54 yaşlı Məharət Xamməd oğlu Xancanovun idarə etdiyi mikroavtobus qəfildən idarəetməni itirərək yolun kənarına aşıb.
Rayonun Çaxırlı kəndinə işləyən mikroavtobusun aşması nəticəsində, avtomobilin sürücüsüdə daxil olmaqla 7 nəfər xəsarət alıb. Hadisə yerinə Masallı Təcili və Təxirəsalınmaz Tibbi Yardım Satansiyasının həkim biriqadası cəlb olunub.Yaralılar avtomobildən çıxarılaraq xəstəxanaya yerləşdirilib. Qəza nəticəsində Masallının Çaxırlı kənd sakinləri, 54 yaşlı Məharət Xamməd oğlu Xancanov, 31 yaşlı Babək Allahverdi oğlu Məmmədov, 44 yaşlı İlhamə Allahyar qızı Rəhimova, 52 yaşlı Sirac Əvəz oğlu Alışov, 57 yaşlı Aidə Vəli qızı Qurbanova, 17 yaşlı Cavad Sirac oğlu Məmmədov və 25 yaşlı Musa Şahmar oğlu Talıbov müxtəlif dərəcəli bədən xəsarətləri ilə təcili yardım maşını ilə xəstəxanaya çatdırılıb. İlkin versiya kimi qəzaya səbəb mikroavtobusun texniki nasazlıq səbəbindən baş verdiyi deyilir.
Qəzanın dəqiq başvermə səbəbləri avtoekspertizanın verdiyi rəydən sonra məlum olacaq.
Faktla araşdırma aparılır.
Gununsesi.info
