Gununsesi.info xəbər verir ki, Veteninfo.az-a adını açıqlamaq istəməyən mənbənin verdiyi məlumata görə,”Maşın şou”nun finalında Roza Zərgərli ilə Hüseyn Əzizoğlu arasında çox kəskin qarşıdurma baş verib. Məlumata görə, Roza Zərgərli “oğlum”dediyi Hüseyni təhqir edib və maşının üzərində olan meyvə qabını Hüseynə tərəf atıb. Belə olduqda isə Hüseyn özünü qorumaq və zərbənin üzünə gəlməməsi üçün əlini maşından çəkib. Məlumata görə, oyunun qaydalarına uyğun olaraq finalda iki nəfərdən biri əlini ilk götürdükdə, sonuncu şəxs şounun qalibi hesab edilir.Yəni, belə halda qalib olaraq Roza Zərgərli görünür. Amma məlumata görə, “Maşın şou” proqram rəhbərliyi oyunda baş verən bu hadisəyə görə Roza Zərgərlinin qaydaları pozması əsas gətirilərək  Hüseyn Əzizoğlu qalib elan edilib və Roza Zərgərlinin qalibiyyəti əlindən alınıb.