Müsavat referenduma görə toplaşdı və “Respublika” təşəbbüs qrupu yaratdı (FOTOLAR)

  • By admin
  • 02 Avqust 2016 18:35

musavat1

 

Arif Hacılı: “Respublika” təşəbbüs qrupu Konstitusiyaya mürtəce dəyişikliklərin edilmasinə qarşı mübarizə aparacaq

Gununsesi.info xəbər verir ki, bu gün Müsavat Partiyası Məclisinin növbədənkənar toplantısında referendumla bağlı təşəbbüs qrupunun yaradılması haqqında qərar qəbul olunub.

Eyni zamanda “Respublika” təşəbbüs qrupunun təsis yığıncağı keçirilib. Müsavatın seçki qərargahının sədri Gülağa Aslanlı 40-dan artıq rayonda ilkin təşəbbüs qruplarının yaradıldığı və 200-dən artıq nümayəndənin seçildiyini, onların bu toplantıda iştirak etdiyini bildirib.

Müsavat başqanı Arif Hacılı referendumla bağlı digər partiya və təşkilatlarla aparılan danışıqlar haqqında məlumat verib. Arif Hacılı bildirib ki, “Respublika” təşəbbüs qrupuna Müsavat, D18 Gənclər hərəkatı, bitərəflər və digər təşkilatların nümayəndələri də daxil olacaq. Arif Hacılı qeyd qeyd edib ki, “Respublika” təşəbbüs qrupu Konstitusiyaya mürtəce dəyişikliklərin edilmasinə qarşı mübarizə aparacaq.

Toplantıda D18 Gənclər Hərəkatının sədri Ruslan İzzətli çıxış edərək Azərbaycanda monarxiyanın bərqərar olmasına qarşı mübarizədə gənclərin öndə olacağını bildirib.

Toplantıda həmçinin Seçki Məcəlləsinin tələblərindən irəli gələn prosedur məsələlər həll olunub.

musavat

 

musavat2

 

Gununsesi.info