2016-cı ilin yanvar-noyabr aylarında Azərbaycan Dövlət Neft Fondu (ARDNF) “Azəri-Çıraq-Günəşli” (AÇG) yataqlar blokundan hasil edilən mənfəət neftinin satışından 4 mlrd. 577 mln. dollar gəlir əldə edib.
Bu barədə Gununsesi.info-ya Neft Araşdırmaları Mərkəzinin rəhbəri İlham Şaban məlumat verib.
Onun sözlərinə görə, noyabr ayında“Azəri-Çıraq-Günəşli”blokundan Neft Fonduna gələn mənfəət neftinin miqdarı 556 mln. dollar təşkil edib.
“11 ayda Neft Fondunun “Azəri-Çıraq-Günəşli” yatağından əldə etdiyi gəlirlər ötənilin yanvar-noyabr ayları ilə müqayisədə təqribən 1,85 mlrd. dollar və ya 28% azalıb”-deyə İ.Şaban vurğulayır.
Mərkəz rəhbəri qeyd edir ki, ümumilikdə 2001-ciildən 2016-cı ildekabrın 1-nə qədər ARDNF-ə AÇG blokundan hasil edilmiş mənfəət neftinin satışından 121 mlrd. 586 mln. dollar vəsait daxil olub.
Xatırladaq ki, 2015-ci ildə ARDNF-in “Azəri-Çıraq-Günəşli” (AÇG) yataqlar blokundan hasil edilən mənfəət neftinin satışından əldə etdiyi gəlirlər $6 mlrd. 858 mln. təşkil edib.
Vüsalə Rüstəmova
Gununsesi.info
