Konnektikut Universitetinin alimləri yaşlılarda depressiyanı mitoxondrial deqradasiya ilə əlaqələndiriblər.
Gununsesi.info American Journal of Geriatric Psychiatry-yə istinadən xəbər verir.
Depressiyanın əsas səbəbi mitoxondrilərin fəaliyyətinin pisləşməsidir – bunlar enerji istehsalı da daxil olmaqla bir neçə vacib funksiyanı yerinə yetirən hüceyrələrin içərisində olan kiçik strukturlardır. Mitoxondriyanın sürətləndirilmiş məhv prosesi bütövlükdə bədənin sürətli qocalmasına kömək edir. Dəqiq nəticələr əldə etmək üçün mütəxəssislər depressiya diaqnozu qoyulmuş yaşı 70-dən yuxarı olan dörd yüz nəfərin qanında GDF-15 zülalının səviyyəsini ölçdülər. GDF-15 mitoxondrial məhsuldur və yaşlanma və mitoxondrial səmərəsizliklə əlaqələndirilir. Tədqiqat, depressiyadan əziyyət çəkən insanların mitoxondrial zədələnməsini göstərən GDF-15 səviyyəsinin daha yüksək olduğunu müəyyən etdi.
