2017-ci il noyabrın 1-i vəziyyətinə ölkə iqtisadiyyatında muzdla çalışan işçilərin sayı 1 milyon 517 min nəfər olub.
Gununsesi.info bunu Dövlət Statistika Komitəsinə istinadən xəbər verir.
Muzdla işləyənlərin 878,1 min nəfəri (58 faizi) iqtisadiyyatın dövlət sektorunda, 639,7 min nəfəri isə qeyri-dövlət sektorunda fəaliyyət göstərir.
Muzdla işləyənlərin;
təhsil- 21.8 faiz
ticarət; nəqliyyat vasitələrinin təmiri, 19.2 faiz
sənaye- 12.9 faiz
əhaliyə səhiyyə və sosial xidmətlərin göstərilməsi- 8.6 faiz
dövlət idarəetməsi və müdafiə; sosial təminat 7.1 faiz
tikinti 6.6 faiz
peşə, elmi və texniki fəaliyyət 3.4 faiz
kənd təsərrüfatı, meşə təsərrüfatı və balıqçılıq 3.2 faiz
maliyyə və sığorta fəaliyyəti 1.6 faiz
10,9 faizi isə iqtisadiyyatın digər sahələrində məşğul olmuşlar.
2017-ci ilin yanvar-oktyabr aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 6,4 faiz artaraq 525,4 manat olub. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də tikinti sahələrində orta aylıq nominal əmək haqqı daha yüksək olub.
Vüsalə
Gununsesi.info