Türkiyə Hələbin azad olunmasında böyük rol oynadı.
Gununsesi.info xəbər verir ki, bunu Rusiya prezidenti Vladimir Putin bu gün illik mətbuat konfransında deyib.
Onun sözlərinə görə, Rusiya, Türkiyə və İranın daxil olduğu üçlü format Suriyə probleminin həllində çox ciddi nəticələri ortaya qoymaqdadır:
“Ona görə də bu formatda əməkdaşlığı davam etdirmək niyyətindəyik”.
Putin onu da əlavə edib ki, ABŞ-ı da Rusiya-Türkiyə-İran üçlü formatındakı əməkdaşlığa dəvət edir.
Hələbin Əsəd rejiminə müxalif qüvvələrdən azad olunmasına toxunan Putin deyib ki, Türkiyə və İran Hələbin azad olunmasında mühüm rol oynayıb:
“Hələbdən haradasa yüz min insan təxliyyə olunub. Bu, dünyada ən böyük insani bir əməliyyat oldu. Bu əməliyyat Türkiyə prezidenti Rəcəb Tayyib Ərdoğan, İran prezidenti Həsən Ruhani və Suriya prezidenti Bəşər Əsəd olmadan baş tutmazdı. Bundan sonrakı addımımız Suriyada atəşkəsə nail olmaqdır. Biz Astanada tərəflərin atəşkəsə nail olmasına çalışırıq”.
Gununsesi.info
