“Bu dünyadan özümüz boyda kəfəndən başqa heç bir şey aparmayacağıq”.Gununsesi.info xəbər verir ki, bunu millət vəkili Qənirə Paşayeva dilə gətirib.Onun sözlərinə görə, “övladlarıma var qoyub gedəcəm deyənlər” Yaradan yazmasa, övladlarınız o varı heç zaman yeyə bilməyəcək. “Onu verən almasını da bilir… Yaradan övladlarınıza var-dövlət taleyi yazıbsa sizsiz də onu verəcək. Övladlarınıza qoya biləcəyiniz ən gözəl miras isə yaxşılıqdır. Övladlarınıza mütləq bir şəkildə geri qayıdacaq. O dünyada isə heç kəsə var-dövlət lazım olmur. Lazım olan tək şey apara bildiyimiz qədər rəhmət dualarıdır. Onu isə bu dünyada qazanmaq lazımdır. Dünyada qoyub gedəcəyimiz dünya malından bizə qalan tək şey qazana biləcəyimiz o rəhmət dualarıdır. Onun üçün varınızı ürəklə xərcləyin. Ramazan bayramında ehtiyacı olanları xatırlamaq bayramın hikmətini anlamaq deməkdir”-deyə,o, sözlərinə əlavə edib.
Gununsesi.info