“Şəmkir rayonunun Aşağı Seyfəli kəndində M.Süleymanov adına Seyfəli kənd tam orta məktəbinin direktoru Akif Namazovun vəzifəndən azad olunması barədə məlumatlar düzgün deyil. O, hazırda işinin başındadır”.
Gununsesi.info xəbər verir ki, bu barədə report.az-a Şəmkir Rayon İcra Hakimiyyətindən (RİH) bildirilib.
Məlumatda qeyd olunub ki, məsələ ilə bağlı araşdırmalar aparılıb, nəticə Təhsil Nazirliyinə göndərilib.
“Məktəbdə baş verənlər bağlı qərarı Təhsil Nazirliyi verməlidir” – deyə, RİH-dən bildirilib.
Qeyd edək ki, M.Süleymanov adına Seyfəli kənd tam orta məktəbində əvvəllər laborant işləmiş Xatirə Əliyeva təhsil ocağının direktoru Akif Namazov haqqında bir sıra ittihamlar irəli sürüb. Onun sözlərinə görə, direktor onlardan pul tələb edib. Direktor isə keçmiş laborantı qeyri-etik hərəkətlərə yol verməkdə ititham edib və buna görə işdən çıxarıldığını deyib. O, mətbuatda keçmiş laborant barəsində bir sıra nalayiq ifadələr də işlədib.
