Mayın 5-dən 6-na keçən gecə Qax rayonu ərazisinə yağan güclü leysan yağışları Qapıçay çayını məcrasından çıxarıb.
Gununsesi.info xəbər verir ki, rayon fövqəladə hallar komissiyasının yaydığı məlumata görə, təbii fəlakət nəticəsində Marsan və Çüdülü kəndlərində bəzi evlərin həyətlərini su basıb, əkin sahələri su altında qalıb.
Hazırda rayon fövqəladə hallar komissiyası və aidiyyəti qurumlar təbii fəlakətin nəticələrinin aradan qaldırılması istiqamətində iş aparırlar.
Gununsesi.info
