Sabah ilin ikinci Günəş tutulması hadisəsi baş verəcək.
Gununsesi.info xəbər verir ki, bu barədə BDU-dan məlumat verilib. Bildirilib ki, universitetin Astrofizika kafedrasından verilən xəbərə görə, bu tutulma qismən Günəş tutulmasıdır.
Tutulma hadisəsi saat 12:58-də başlayacaq və 17:02-də sona çatacaq. Tutulmanın maksimumu 15:00-da olacaq. Təbiət hadisəsi 4 saat 3 dəqiqə 50 saniyə davam edəcək. Bu tutulma hadisəsi Avropanın əksər hissəsində, Afrikanın şimalında, Yaxın Şərqdə və Asiyanın qərbində müşahidə olunacaq.
Günəş tutulması Azərbaycanda da müşahidə ediləcək. Bakıda tutulma hadisəsi 13:59-da başlayacaq və 16:30-da sona çatacaq. Tutulmanın maksimumu 15:17-də olacaq.
Gununsesi.info
