Şabran rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.
Gununsesi.info report.az-a istinadən xəbər verir ki, Gəndob-Yalama avtomobil yolunun Şabran rayonunun Sincanboyad kəndi ərazisindən keçən hissəsində “Toyota” markalı minik avtomobili nasazlıq səbəbindən yolun kənarında dayanan “VAZ-21019” markalı avtomobilə çırpılıb.
Qəza nəticəsində Şabran rayon sakinləri 1977-ci il təvəllüdlü Rəhmanov Rahim Kamil oğlu, 1997-ci il təvəllüdlü Seyidov Çingiz Qərib oğlu və 1982-ci il təvəllüdlü Osmanov Yaşar Həcbilə oğlu müxtəlif dərəcəli bədən xəsarətləri alıblar.
Yaralılar Şabran Rayon Mərkəzi Xəstəxanasına çatdırılıblar. Faktla bağlı araşdırma aparılır.
Gununsesi.info
