Bəzən evdən çıxanda, yatanda və s. vaxtlarda elektron cihazlarımızı söndürərək enerjiyə qənaət etdiyimizi düşünürük. Əslində isə bəzi cihazlar söndürsək də enerjidən istifadə etməyə davam edir.
İşlətdiyimiz elektron cihazların, demək olar ki, hamısının “stand-by” funksiyası var. Öz dilimizdə desək, yuxu rejimi. Biz elektron əşyalarımızı söndürdüyümüz zaman cihaz avtomatik olaraq həmin rejimə keçir. Bu isə o deməkdir ki, cihaz öz funksiyalarını tamamilə itirmir, az da olsa enerjidən istifadə etməyə davam edir.
Gununsesi.info söndürməyimizə baxmayaraq elektrik enerjisinə qənaət etməyən elektron cihazların siyahısını təqdim edir.
Telefonun batareya aləti
Telefonu çıxarmış olsaq da, əgər batareya aləti cərəyan şəbəkəsinə taxılı qalıbsa bu enerjidən istifadə deməkdir. Cərəyan şəbəkəsində taxılı qalmış batareya alətinin gündəlik vat istifadəsi 1,2-dir.
Rəqəmsal peyk
Televizorumuzla bağlı olan rəqəmsal peyk qəbulediciləri də söndürdüyümüz zaman yuxu rejiminə keçir. Gündəlik vat istifadəsi 22-dir.
Televizor
Televizor pultunun söndürmə düyməsi, əslində, cihazı söndürmür, onu sadəcə gözləmə rejiminə keçirir. Bu isə gündəlik 24 vat istifadə deməkdir.
Notbuklar
Söndürmək əvəzinə yuxu (sleep) rejiminə keçirdiyimiz stolüstü komputerlərin gündəlik vat istifadəsi 96-dır.
Üstündə rəqəmsal saat ekranı yerləşdirilmiş elektron cihazlar
Bunlara yeni model soyucu, qaz peçləri və s. misal göstərə bilərik. İstifadə etmədiyimiz müddətdə belə bu cihazlar enerji tələb edir. Gündəlik vat istifadəsi 108-dir.
* Buna görə də elektrik enerjisini boş yerə israf etməmək üçün elektron cihazlarınızı ehtiyac olmadığı müddətdə cərəyan şəbəkəsinə taxılı saxlamamaq tövsiyə olunur.
Gununsesi.info