Polis tərəfindən saxlanılan Bərdə rayonu Nazırlı kənd sakini Seymur Bəylər oğlu Sultanov polis əməkdaşlarına həyat yoldaşını bıçaqladığını bildirib. Gununsesi.info xəbər verir ki, dərhal hadisə yerinə yollanan polis əməkdaşları Bakı şəhər sakini Camalə Əlican qızı Soltanovanın xəstəxanaya aparılmasını öyrəniblər. Bərdə rayon sakini olan Seymur Bakıda televizor ustası işləyib. Özünün dediyinə inansaq gələcək həyat yoldaşı ilə də onların evindəki televizoru təmir edən zaman tanış olub. 2000-ci ildə ailə quran cütlüyün 4 övladı var. Seymurun mütəmadi olaraq spirtli içki qəbul etməsi ailənin dağılmasına səbəb olub.Bir müddət sonra cütlük barişib. Lakin bu barışıq da çox çəkməyib. Sərxoş ərdən qurtulmaq istəyən qadın 4 övladını da götürərək onun yanından gedib. Bu hadisədən 4-5 gün sonra müştərisi üçün peyk antenası quraşdıran Seymur keçmiş arvadının həmin ərazidən keçməsini görüb. Lakin arvadının onu saymamazlığını görən ər üzərindəki bıçaqla qadına zərbə endirib. Faktla bağlı cinayət işi başlanıb. Araşdırmalar davam edir.
Gununsesi.info
