“Ukrayna NATO-ya qəbul olunarsa, Rusiya üçün təhlükələr dəfələrlə artacaq”.
Gununsesi.info “RİA Novosti”yə istinadən xəbər verir ki, bunu Rusiya Prezidenti Vladimir Putin Təhlükəsizlik Şurasının növbədənkənar iclasında deyib.
“Ukrayna Şimali Atlantika Alyansı NATO-ya qəbul edilərsə, o zaman ölkəmiz üçün təhlükələr dəfələrlə artacaq”, – deyə Putin qeyd edib.
O qeyd edib ki, NATO-nun yaradılması haqqında müqavilənin 5-ci maddəsi var, ondan aydın olur ki, Alyansın bütün ölkələri öz üzvlərindən biri hücuma məruz qaldığı təqdirdə onun tərəfində vuruşmalıdırlar.
“Heç kim krımlıların və Sevastopol sakinlərinin iradəsini tanımadığına görə, Ukrayna israr edir ki, bura onun ərazisidir, bizim üçün real təhlükə var”, – Putin əlavə edib.
Gununsesi.info
