Ukraynada azərbaycanlılara qarşı təqib və təzyiqlərə məruz qalması artıq Azərbaycan cəmiyyətində ciddi rezonansa və etiraza səbəb olub. Artıq Azərbaycanın Baş prokuroru Zakir Qaralov yaranmış vəziyyətdən narahat olduğunu və məsələnin araşdırılması məqsədilə ukraynalı həmkarına müraciət edib.
Ukraynada soydaşlarımıza qarşı təzyiqlərlə bağlı mövqeyini Gununsesi.info-ya açıqlayan Azərbaycan-Ukrayna parlamentlərarası dostluq qrupunun üzvü, millət vəkili Elman Nısirov bildirib ki, Azərbaycan-Ukrayna münasibətləri strateji tərəfdaşlıq səviyyəsində olduğundan, bu gün orada soydaşlarımıza qarşı baş verən təzyiq və təqiblər ölkələrarası münasibətlərə heç cür təsir edə bilməz. “Çünki iki ölkə arasında müxtəlif sahələrdə uğurlu əməkdaşlıq edir. İki ölkə arsındakı strateji tərəfdaşlıq münasibətləri özünü Pyotr Poroşenkonun bu yaxınlarda Bakıya səfəri bir daha sübuta yetirdi. Bu səfər bir daha göstərdi ki, iki ölkə arasında çox yaxşı münasibətlər olamqla yanaşı, əlaqələrin inkişafı üçünsə böyük potensial var. Amma buna baxmayaraq Ukraynada Azərbaycanla əlaqələrin isti münasibət olmasını istəməyən qüvvələr də var”- deyə, millət vəkili vurğulayıb.
Deputat təəssüflə qeyd edib ki, bu gün Ukraynada hakimiyyət kürsüsündə ermənipərəst qüvvələr, hətta erməni milləyətindən olan şəxslər yüksək vəzifələrdə oturublar: “Onlardan biri də Ukraynanın daxili işlər naziri Arseni Avakovdur. Məhz orada yaşayan azərbaycanlılara qarşı təzyiq və təqib kampaniyasının başında Avakov kimi insanlar durur. Belə şəxslər çalışırlar ki, Azərbaycanla Ukrayna arasındakı münasibətlər mənfi istiqamətə yönəlsin. Amma bu qüvvlər öz istəklərinə nail ola bilməyəcəklər. Ona görə ki, bu iki ölkənin siyasi rəhbərliyi çətin anlar da bir birinə dəstək verib və bu dəstək bundan sonra da davam edəcək. Elə son illərdə Ukraynanın ən çətin anlarında belə Azərbaycan və onun prezidenti İlham Əliyev rəsmi Kiyevin yanında olduğunu açıq şəkildə bəyan edib. Hətta Azərbaycan preizdenti Ukraynaya verdiyi bu dəstəklərə görə özü təzyiqlərə məruz qalıb. Buna baxmayaraq Azərbaycan prezdenti Ukraynaya dəstəyini bu gündə göstərməkdədir. Odur hesab edirəm ki, Ukraynanın hüquq-mühafizə orqanları və cəmiyyəti yaranmış vəziyyəti düzgün dəyərlənidrəcəklər. Azərbaycanlılara qarşı təqib kampaniyasına son veriləcək. Cinayətkarlar cəzasını alacaq”- deyə, E.Nəsirov bildirib.
Bununla belə millət vəkili deyib ki, bu proses davam edərsə və vəziyyət mənfi tendensiya istiqamətində inkişaf edərsə, o zaman Azərbaycan-Ukrayna prlamentlərarası dostluq qrupu da yaranmış vəziyyətlə bağlı ukraynalı həmkarlarına müraciət etməsi istisna deyil.
Mürtəza
Gununsesi.info