Lerikdə yük avtomobilinin yolun kənarında qalan digər yük maşınına çırpılmasl sonuncunun aşmasına səbəb olub.
Gununsesi.info-nun məlumatına görə, aşan yük avtomobilinin oksigen və propan balonlarının olduğu anbara düşməsi,ətrafda təhlükəli vəziyyətin yaranmasına səbəb olub.
Hadisə rayonunun Piran kəndi ərazisində qeydə alınıb. Belə ki, “Sacman” markalı, yük maşını yolun kənarında nasazlıq səbəbindən saxlanılan Dongfeng markalı, yük maşınına toqquşub. Nəticədə Dongfeng markalı yük avtomobili içərisində oksigen və propan balonlarının olduğu anbarın üstünə aşıb. Anbarda saxlanılan qaz balonlarından birinin sızması nəticəsində ərazidə təhlükəli vəziyyət yaranıb. Hadisə yerinə dərhal Fövqəladə Hallar Nazirliyinin Cənub Regional Mərkəzinin xilasediciləri, rayonun hüquq-mühafizə orqanlarının əməkdaşları cəlb olunublar. Qəza şəraiti qiymətləndirilməklə, təhlükəsizliyin təmin olunması məqsədilə anbarda olan balonlar kənarlaşdırılıb, maşınların oradan uzaqlaşdırılması istiqamətində müvafiq tədbirlər görülüb.Qəza zamanı həmçinin, “Sacman” markalı yük maşınının sürücüsünün oturduğu kabinə də ciddi deformasiyaya uğrayıb. Onun taleyi hərhansı bir məlumat yoxdur.
Faktla bağlı Lerik Rayon Polis Şöbəsində araşdırma aparılır.
Qəzanın dəqiqiq səbəbləri araşdırmadan sonra məlum olacaq.
Gununsesi.info
