Rusiya prezidenti Vladimir Putin və onun türkiyəli həmkarı Rəcəb Tayyip Ərdoğan arasında telefon danışığı olub.
Gununsesi.info xarici mətbuata istinadən xəbər verir ki, prezidentlər söhbət zamanı Suriya ətrafında vəziyyəti müzakirə ediblər.
Bildirilir ki, dövlət başçıları oktyabrın sonunda Qazaxıstan paytaxtında Suriya üzrə növbəti, yeddinci beynəlxalq görüşün perspektivlərini müzakirə ediblər. “Suriyada vəziyyətin nizamlanması üçün səylərin əlaqələndirilməsinə dair praktiki məsələlərə toxunulub. Prezidentlər Astana prosesi çərçivəsində birgə görülən işləri müsbət qiymətləndiriblər”, məlumatda qeyd olunub.
Tərəflər həmçinin Rusiya-Türkiyə əməkdaşlığının müxtəlif sahələrdə inkişafından məmnunluq ifadə ediblər. “Sentyabrın 28-də Ankarada keçirilmiş görüşdə əldə edilən razılaşmalar uğurla həyata keçirilir, o cümlədən iqtisadi-ticarət sahəsində”, məlumatda deyilir.
Gununsesi.info
