Hindistanın Maharaştra əyalətinin paytaxtı Mumbayda çökən dördmərtəbəli binanın dağıntıları altından 14 nəfərin cəsədi çıxarılıb.
Gununsesi.org xəbər verir ki, ötən gün baş verən hadisədən 9 nəfər yaralı şəkildə xilas ola bilib.
Yanğınsöndürmə və Fövqəladə Hallara Müdaxilə Qüvvələri binanın dağıntıları altında 20-ə yaxın insanın qaldığını ehtimal edir.
Binanın ən az 100 yaşı olduğu deyilir.
Dünyanın ən çox insan yaşayan şəhərlərindən olan Mumbayda binaların təhlükəsizliyi ən əsas problemlərdən biridir.
Gununsesi.org