Milli Məclisin bu gün keçirilən iclasında bir sıra qanunlara yeni qəbul olunmuş “Məktəbə qədər təhsil haqqında” qanuna uyğun olaraq edilən düzəlişlər layihəsi müzakirəyə çıxarılıb.
Gununsesi.info-nun məlumatına görə, bunlar Əmək Məcəlləsinə, “Təhsil haqqında”, “Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında”, “Dövlət qulluğu haqqında”, “Yanğın təhlükəsizliyi haqqında” və “Sanitariya-epidemioloji salamatlıq haqqında” qanunlara təklif edilən düzəlişlərdir.
Layihələr barədə Elm və təhsil komitəsinin sədri İsa Həbibbəyli məlumat verib.
Layihələr ayrılıqda səsə qoyularaq qəbul edilib.
Gununsesi.info
