Avstraliyanın xarici işlər naziri Culi Bişop Rusiyanı Qərb ölkələri ilə birlikdə Suriya problemini həll etmək üçün Prezident Bəşər Əsədə dəstəyi dayandırmağa çağırıb.
Gununsesi.info AZƏRTAC-a istinadən bildirir ki, “Seven Network” telekanalının efirində çıxış edən C.Bişop deyib: “Bu narahat torpağa hər hansı sülh gətirəcək siyasi qərarın hazırlanması üçün Rusiyanın Əsədə dəstəyi dayandırmasının vaxtı çatıb”.
Nazir bildirib ki, Avstraliya hökuməti ABŞ-ın Əsədə dəstəyi dayandırması üçün Rusiyanı inandıra biləcəyinə ümid edir. C.Bişop ABŞ-ın Suriya hərbi bazasına zərbəsini kimyəvi silahla əlaqədar hadisəyə “müvafiq cavab” adlandırıb.
Gununsesi.info
