“2016-cı ildə bələdiyyələrlə bağlı ümumilikdə il ərzində 58 fakt üzrə hüquq-mühafizə orqanlarına müraciət edilib, 12 cinayət işi açılıb. Bu işlərlə bağlı bir məhkəmə qərarı verilib”.
Gununsesi.info xəbər verir ki, bu gün Milli Məclisin Regional məsələlər komitəsinin iclası keçirilib və iclasın gündəliyinə Ədliyyə Nazirliyi yanında Bələdiyyələrlə İş Mərkəzinin bələdiyyələrlə bağlı illik məruzəsi salınaraq müzakirə olunub.
Gununsesi.info xəbər verir ki, bu gün Milli Məclisin Regional məsələlər komitəsinin iclası keçirilib və iclasın gündəliyinə Ədliyyə Nazirliyi yanında Bələdiyyələrlə İş Mərkəzinin bələdiyyələrlə bağlı illik məruzəsi salınaraq müzakirə olunub.
Məruzədə qeyd olunub ki, 2016-cı ildə bələdiyyələrin fəaliyyəti ilə bağlı vətəndaşlardab daxil olan müraciətlər araşdrılmaqla yanaşı, bələdiyyə aktlarının ekspertizası aparılıb. Ümumilikdə ötən il ərzində vətəndaşların Bələdiyyələrlə İş Mərkəzinə 2320 müraciəti daxil olub. Bu müraciətlərin 50 faizi torpaq məsələləri ilə bağlıdır. Torpaq məsələləri ilə bağlı müraciətlərin 538-i torpaq sahələrinin ayrılmaması, 145 müraciət torpaq sahələrinin sənədləşdirilməməsi, 557 müraciət isə torpaq mübahisələri ilə bağlıdır. Torpaq mübahisələri vətəndaşlarla bələdiyyələr və vətəndaşların öz aralarında olub. Ümumilikdə daxil olan müraciətlərin 126-ı təmin edilib. 27 müraciətlə əlaqədar inzibati araşdırma aparılıb. Bunlardan 9 fakt üzrə xırda nöqsanlar aşkarlanıb, bələdiyyələrə bu nöqsanların aradan qaldırılması üçün tövsiyələr verilib. 3 halda maliyyə pozuntusu aşkarlanıb və həmin vəsaitlərin bərpası təmin olunub. Müraciətlər üzrə 18 fakt üzrə çox ciddi pozuntu aşkarlanıb və prokurorluq orqanlarına müraciət edilib. Bələdiyyə aktlarının ekspertizası və müraciətlər də nəzərə alınmaqla, ümumilikdə il ərzində 58 fakt üzrə hüquq-mühafizə orqanlarına müraciət edilib, 12 cinayət işi açılıb. Bu işlərlə bağlı bir məhkəmə qərarı verilib.
Keçən il Qusar rayonunun Samur bələdiyyəsində 70 hektar torpağın 30 min manata qanunsuz satılması, torpaqların şübhəli sənədlərlə xüsusi mülkiyyətə verilməsi faktı aşkarlanıb. 2016-cı ildə 8359 hektar qanunsuz verilən bələdiyyə torpağı bələdiyyələrə qaytarılıb.
Keçən il Qusar rayonunun Samur bələdiyyəsində 70 hektar torpağın 30 min manata qanunsuz satılması, torpaqların şübhəli sənədlərlə xüsusi mülkiyyətə verilməsi faktı aşkarlanıb. 2016-cı ildə 8359 hektar qanunsuz verilən bələdiyyə torpağı bələdiyyələrə qaytarılıb.
Mürtəza
Gununsesi.info
