Dünya əhalisinin sayı artdıqca nəqliyyat və tikinti üçün ayrılan ərazilər vəhşi təbiətdə yaşayan canlıların həyatı üçün ciddi təhlükələr yaradır. Hər il təkcə avtomobil vurması nəticəsində çox sayda heyvan məhv olur. Statistikaya görə, ABŞ-da hər il bu səbəbdən ölən canlıların sayı 1 milyona çatır. Lakin bəzi ölkələr vəhşi heyvanlara diqqət göstərərək onların təhlükəsizliyi üçün bəzi tədbirlər həyata keçirib.
Heyvanlar üçün nəzərdə tutulmuş ilk körpü 1950-ci illərdə Fransada tikilib. Bu ideya sonralar bir sıra ölkələrə rəğbətlə qarşılanıb və heyvanlar üçün keçid salmaq ənənəsi davam etdirilib. Hazırda dünyanın bir çox ölkəsində meşələr və dağlar arasında vəhşi təbiətə məxsus canlıların keçməsi üçün tikilmiş xüsusi körpü və keçidlər var. Bu, heyvanların təhlükəsizliyi yolunda atılmış ən gözəl addımlardan biridir.
Gununsesi.info heyvanlar üçün tikilmiş körpü və keçidlərin fotoşəkillərini təqdim edir.
Gununsesi.info
