İmişlidə yanğın hadisəsi baş verib.
Gununsesi.info xəbər verir ki, şəhər ərazisində yerləşən iri marketlerdən biri yanar konstruksiya və içərisindəki ərzaq məhsulları ilə birlikdə yanaraq külə dönüb. Hadisə ötən gün səhər saatlarında İmişli şəhəri, Zərifə Əliyeva küçəsindəki marketdə qeydə alınıb. Belə ki, rayon sakini Əlibala Nəsirova məxsus market anidən alovlanmağa başlayıb. Qısa müddətdə alov güclənərək marketi cənginə alıb. Bu barədə məlumat daxil olan kimi Fövqəladə Halar Nazirliyinin İmişli rayon yanğından mühafizə hissəsinin yanğınsöndürən maşınları və canlı qüvvəsi hadisə yerinə cəlb olunub. 1 saata yaxın alovla mücadilə edən yanğısöndürənlər tərəfindən nəhayət ki, yanğını södürülüb və yanğının yaxınlıqda yerləşən yanacaqdoldurma məntəqəsinə və digər obyektlərə keçməsinin qarşısı alınıb. Buna baxmayaraq ümumi sahəsi 300 kvadratmetr olan market içərisindəki ərzaq məhsulları ilə birgə yanaraq külə dönüb. İlkin ehtimala görə, yanğına elektrik naqillərində yaranan qısaqapanma səbəb olub. Sahibkara 400 min manatdan artıq ziyan dəydiyi bildirilir.
Faktla bağlı aidiyyati qurumlar tərəfindən araşdırma aparılır.
Gununsesi.info