Dördüncü İslam Həmrəyliyi Oyunları ilə bağlı yaradılan Əməliyyat şirkəti tam şəkildə formalaşıb.
Gununsesi.info xəbər verir ki, bunu Gənclər və idman naziri Azad Rəhimov bu gün keçirilən mətbuat konfransında deyib.
Onun szölərinə görə, Əməliyat şirkətinə 60-a yaxın xarici mütəxəssis və 500-ə yaxın yerli gənclər bu işlərə cəlb olunub və onlar işlərin tam öhdəsindən gəlirlər: “Mütəxəssislər öz vəzifələrini icra edir. Əsas məsələ açılış və bağlanış mərasimləri ilə bağlıdır”.
İslam Həmrəyliyi Oyunlarının açılış və bağlanış mərasimindən danışan anzir deyib ki, bunlar Bakı Olimpiya Stadionunda olacaq və böyük iş tələb edir: “Mədəniyyət tədbirləri həyata keçiriləcək. Heç bir sahədə heç bir gecikmə yoxdur. Bizə verilən sifarişlərə əsasən Oyunlarda 4 000-ə qədər idmançı, 2 000 nəfər isə texniki şəxs, nümayəndə heyəti olacaq. Ümumilikdə Atletlər Kəndində 6 000-ə yaxın adam olacaq”.
Gununsesi.info
