Samux rayon Nəbiağalı kənd sakini əməliyyatdan sonra dünyasını dəyişib.
Gununsesi.info-nun APA-nın qərb bürosuna istinadən verdiyi məlumata görə, kənd sakini 1994-cü il təvəllüdlü Turanə Məmmədova sentyabr ayının 11-də Göygöl rayon Mərkəzi xəstəxanasında kəskin appendisit diaqnozu ilə əməliyyat edilib.
Bir neçə gün xəstəxanada qalan T.Məmmədova evə buraxıldıqdan sonra özünü narahat hiss etməyə başlayıb. O, Gəncə şəhər Abbas Səhhət adına 1 saylı xəstəxanaya aparılıb. Tibbi yardım göstərilsə də, T.Məmmədova dünyasını dəyişib.
Faktla bağlı hüquq mühafizə orqanlarının əməkdaşları araşdırma aparırlar.
Gununsesi.info
