İmişlidə naməlum şəxs və ya şəxslər tərəfindən mişar daşi ilə dolu “Kamaz” markalı yük maşınlarına basqın olub. Yük maşınlardan biri oğurlanıb, digərlərinə ziyan vurulub.
Gününsəsi.info xəbər verir ki, hadisə ötən gün axşam saatlarında İmişli rayonunun daş bazarı adı ilə tanınan ərazidə qeydə alınıb. Belə ki, sürücülər səhər tezdən yük maşınlarını saxladıqları daş bazarına gəliblər. Bu zaman yük maşınlarından birinin daşla birlikdə yoxa çıxdığını, digərinin içərisindəki 900 ədəd daş mişarı oğurlanaraq ağaclarının içərisində olduğunu görəndə şoka düşüblər. Sürücülərin sözlərinə görə, oğru və ya oğrular bununla kifayətlənməyiblər. Daş bazarında dayanan digər yük maşınlarına da ciddi ziyan vurublar. Artıq bu barədə rayon polis şöbəsinə məlumat verilib. Hazırda hadisəni törədən şəxs və ya şəxslərin kimliyini müəyyənləşdirib saxlanılması istiqamətində əməliyyat-axtarış tədbirləri həyata keçirilir.
Gününsəsi.info
