“Bu əslində Qarabağı müstəqil qurum kimi tanıtmağa çalışan qüvvələrə qarşı çıxarılan hökmdür”.
Bloger Aleksandr Lapşinin Azərbaycana təhvil verilməsi bir daha sübut etdi ki, müharibə təkcə səngərdə hərbçilər tərəfindən aparılmır, müharibə, eyni zamanda siyasi, diplomatik, iqtisadi , informativ və mədəni yollarla da aparılır”.
Bunu Gununsesi.info-ya açıqlamasında Milli Məclisin Müdafi, təhlükəsizlik, korrupsiya ilə mübarizə komitəsinin üzvü, millət vəkili Zahid Oruc deyib.
Onun sözlərinə görə, elə son bir ildə gedən proseslərə diqqət yetirsək, o zaman Ermənistanla Azərbaycan arasındakı müharibənin hansı geniş miqyasda getdiyinin şahidi olarıq. “2016-ci ilin aprelində ki Qarabağ cəbhəsində “dördgünlük müharibə” kimi tarixə düşən savaşdan sonra Azərbaycan tərəfinin özünün beynəlxalq dairələr qarşısında haqlı mövqeyini müdafiə edə bilməsi erməniləri ciddi iflasa uğrada bildi və irəvan bu məslədə hər hansı siyasi dəstək ala bimədi. Azərbaycanın yürütdüyü siyasət nəticəsində ermənilərin Moskava ilə Bakı arasındakı münasibətləri korlaya bilməməsi fonunda, İrəvan ard-arda ağır zərbələr almış oldu. Və hazırda da belə zərbələr almaqda davam edir. Bu zərbələr nəticəsində ermənilər ciddi həyəcan içindədirlər”- deyə, millət vəkili vurğulayıb.
Millət vəkili əlavə edib ki, burada ikinci məqam isə Lapşin üzərində çıxarılacaq hökm hər hansı bir xarici vətəndaş üzərində Azərbaycanın öz gücünü sınaması anlamında başa düşülməməlidir: “ Biz yaxşı bilirik ki, Lapşin məsələsi ermənilərin Qarabağı beynəlxalq aləmə müstəqil qurum kimi təqdim etməsi ilə bağlı həyata keçirdiyi siyasətin tərkib hissəsi idi. Bu baxımdan Lapşin erməni siyasətinin qrubanıdır.
Ona görə də Azərbaycanın Lapşinlə bağlı çıxaracağı məhkəmə qərarı həmən dairələr üzərində çıxaracağı qərardır. Bu əslində Qarabağı müstəqil qurum kimi tanıtmağa çalışan qüvvələrə qarşıçıxarılan hökmdür. Lapşin üzərində dava bir insan üzərindəki dava deyil, bu, işğal olunmuş Azərbaycan torpaqlarının geri qaytarılması və bu torpaqların Azərbaycan aid olması uğrunda aparılan savaşın tərkib hissəsi kimi başa düşülmılidir”.
Millət vəkili hesab edir ki, lapşinin Azərbaycan təhvil verilməsində xeyli risklər var idi:“Bldiyimiz kimi Lapşinin İsrail və Rusiya vətəndaşıdır və ermənilər bu faktordan yetərincə istifadə etməyə çalışdılar. İrəvan bu ölkələr vasitəsi ilə Lapşinin Azərbaycana verilməməsinin qarşısnı almaq üçün Minskə təzyiq etməyə xeyli çabalar göstərdi. Əgər ermənilər bu istəklərinə nail olsaydılar, bundan Azərbaycana qarşı geniş informasiya təbliğatı maşını kimi istifadə edəcəkdilər. Yəni, ermənilər bunun beynəlxalq aləmə təqdim etməyə çalışacaqdılar ki, hətta Azərbaycanın ən yaxın müttəfiqi, çətin günlərin dostu olan Belarus belə, bu, qərarı ilə Qarabağın Azərbaycan torpağı olmadığı müstəvisində izah etsinlər. Bununla da növbəti yalan dalğasını davam etdirəcəkdilər. Bax, o zaman biz bu məhkəmənin uduzlmasının bizim üçün siyasi və diplomatik baxımdan nə qədər baha başa gəldiyini anlayacaqdır. Ona görə də Bakının uğurlu taktika nəticəsində ermənilər növbəti dəfə məyus edildi.O baxımdan da İrəvan bu gün Lapşin üzərindəki məhkəməni uduzmasını və onun Azərbaycan verilməsindən çox qəzəblidir”.
Z. Oruc onu da bildirib ki, bu addımla Bakı İrəvanı öz həyata keçirdiyi siyasətin yedəyinə çevirmiş oldu: “Əgər bir müddət əvvəl biz onların belə hərəkətləri ilə Azərbaycan müxtəlif ölkələrlə və ya beynəlxalq təşkilatlar arasında münasibətini korlayırdısa, indi isə əksinə Bakının atdığı addımlar nəticəsində İrəvan müxtəlif dövlət və ya beynəlxalq təşkialtlarla münasibəti korlanır.
Elə götürək Ramil Səfərov məsələsini… Ermənilər bundan biz azərbaycanlı zabitə qarşı deyil, bütövlükdə azərbaycan xalqına qarşı istifadə etmək istəyirdi. Bununla həm Azərbaycan xalqını dünya ictimaiyyətinin gözündən salmaqla bizi Qarabağ savaşından geri çəkindirmək istəyirdisə, digər tərəfdən erməni öldürməyə qalxanı hansı aqibət gözləyir kimi bir dərs vermək istəyirdilər. Lakin Azərbaycan prezidenti İlham Əliyevin səyi və iradəsi nəticəsində ermənilərin bu siyasəti də iflasa uradı və nəticədə Erənistnala Macarıstan münasibətləri korlandı.
Indi də irəvan Belarusu hədəlıməklə məşğuldur. Bunun də nəticəsi yoxdur. Çünki Ermənistan Belarus üçün elə də ciddi əhəmiyyət kəsb etməyən ölkədir. Bundan uduzan ancaq irəvan olacaq. Bax, Lapşinin Azərbaycana təhvil verilməsinin əhəmiyyəti bundadır.
Biz bununla dünyaya göstərmək istəyirik ki,bizim savaşımız qarabağ uğrundadır və bu savaşdan da vaz keçəsi deyilik. Bu yolla Qarabağın əzəli Azərbaycan torpağı olduğunu dünyaya göstərmiş oluruq”.
Millət vəkili onu da bildirdi ki, İrəvan Bakının son zamanlarda endiridiy bu cür zərbələrdən başını itirib və ayıla bilmədiyindən çox qəzəbləniblər: “Xüsusən də S.Sərkisyan rejimi… Seçkiöncəsi bir məqamda bu hadisələr Sərkisyan rejiminə öldürücü zərbə hesab etmək olar”.
Bununla belə millət vəkili bildirib ki, Sərkisyan rejimi də vəziyyətdən çıxamaq və “uğur hekayəsi” yaratmaq üçün əks hücuma əl atacaq və bu dəqiqdir: “Biz bunun fərqindəyik”.
Z. Oruc əlavə edib ki, düzdür, Serj Sərkisyan 2017-ci ilin aprelində keçiriləcək parlament seçkilərinədək bir “uğur hekayəsi” yaratmaq üçün Azərbaycana qarşı planlar hazırlayır və biz bunun fərqindəyik: “Sərkisyan bu “uğur hekayəsi” ilə yenidən hakimiyyətini qoruyub-saxlamaqla növbəti mərhələdə Qarabağ məsələsindən istifadə etməklə daxili həyat üçün istifadə etməyə çalışır. Onun belə bir ssenarisi var və bu inkar oluna bilməz”.
Mürtəza
Gununsesi.info
