Sabirabadda 1 nəfərin ölümü ilə nəticələnən qida zəhərlənməsi ilə bağlı araşdırma başlayıb.
Bu barədə Gununsesi.info-ya AQTA-dan məlumat verilib.
Bildirilib ki, Sabirabadda baş verən hadisə nəzarətdədir.
“Hadisənin səbəblərinin, həmçinin qida zəhərlənməsi olub-olmamasının müəyyənləşdirilməsi məqsədilə Qida Təhlükəsizliyi Agentliyinin mütəxəssisləri müvafiq qurumların əməkdaşları ilə birgə araşdırmalara başlayıb.
Araşdırmaların nəticələri ilə bağlı ictimaiyyətə məlumat veriləcək”, – deyə əlavə edilib.
Qeyd edək ki, Sabirabadda bir ailənin 4 üzvü qidadan zəhərlənib. Ailə üzvlərindən 2015-ci il təvəllüdlü Cəfərov Hüseyn həyatını itirib.
