Gununsesi.info xəbər verir ki, bu barədə “Azərbaycan Hava Yolları” QSC (AZAL) məlumat verib.
“Bakı-Naxçıvan və Naxçıvan-Bakı reyslərinə aviabiletlərin onlayn satışı artıq saytımızda fəaliyyət göstərir. Bu istiqamət üzrə ekonom sinifdə baqajın daşınması norması aviaşirkətin vahid standartına uyğun olaraq qeydiyyatdan keçən baqaj 23 kiloqramadək, əl yükü – 10 kiloqramadək təşkil edir”, – deyə məlumatda bildirilir.
Qeyd edək ki, buna qədər Bakı-Naxçıvan və Naxçıvan-Bakı reysləri üzrə onlayn aviabilet satışı mümkün olmayıb. Artıq iyunun 23-dən etibarən onlayn qaydada bilet almaq mümkün olacaq.
