Bu gün Macarıstanın Azərbaycandakı səfirliyində ötən həftənin sonu İtaliyada baş verən avtobus qəzası nəticəsində 16 macar məktəblinin ölməsi ilə əlaqədar xatirə kitabı açılıb.
Macarıstanın Azərbaycandakı səfirliyindən Gununsesi.info-ya verilən məlumata görə, xatirə sözlərini yazmaq istəyənlər yanvarın 25-26-da səfirliyə müraciət edə bilər. Kitab bu gün və sabah saat 10.00-dan 12.00-dək və 15.00-dan 17.00-dək açıq olacaq.
Qeyd edək ki, yanvarın 20-də Verona şəhərində baş verən qəza nəticəsində 16 məktəbli ölüb, 36 nəfər xəsarət alıb. Xilasetmə xidmətindən bildirilib ki, avtobus dirəyə çırpılıb, nəticədə yanğın başlayıb. Macarıstanlı məktəblilər İtaliyaya səyahətlərini bitirib, ölkələrinə qayıdırmışlar.
Gununsesi.info