“Rusiya və Türkiyə Suriya münaqişəsinin siyasi həll yolunu axtarır”.
APA-nın “Ria Novosti” Agentliyinə istinadən verdiyi xəbərə görə, bunu Türkiyənin xarici işlər naziri Mövlud Çavuşoğlu deyib.
Nazir bildirib ki, Suriya, Rusiya və Türkiyə arasında mövcud olan regional problemlərdən biridir: “Rusiya ilə Türkiyə arasındakı qarşılıqlı əlaqə Suriyada sabitlik və təhlükəsizliyin təminatı üçün lazımdır. Hər iki ölkənin başçıları da bu istiqamətdə çalışır”.
Qeyd edək ki, Soçi şəhərində Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında görüş başlayıb. Türkiyə xarici işlər naziri Mövlud Çavuşoğlu da həmin görüşdə iştirak edir.
Gununsesi.info
